Category: Publisistik məqalələri
Akademik Bəkir Nəbiyevin bütün mənəvi keyfiyyətləri, səmimiliyi, qayğıkeşliyi, təmkini, qüruru və ziyalılığı bizim üçün məktəbdir. Onunla hər dəfə ünsiyyətdə olanda insan sözün hikmətinə və qüdrətinə bir daha heyran olur. Əminəm ki, elmimizin ağsaqqalı dilimizə, ədəbiyyatımıza, mədəniyyətimizə, nəhayət, milli düşüncəmizə hələ çox töhfələr verəcək! Xalqımız Bəkir müəlllimi yalnız böyük tədqiqatçı-alim kimi deyil, həm də mahir pedaqoq, publisist və gözəl təşkilatçı, ictimai xadim kimi tanıyır. Yaratdığı elmi məktəb daimi yaşayacaqdır. O, elm məbədgahımız Elmlər Akademiyasında uzun illər humanitar bölməyə rəhbərlik etmişdir. Direktoru olduğu Nizami adına Ədəbiyyat institutunda səmərəli fəaliyyətini bu gün də davam etdirir, sədrlik etdiyi ixtisaslaşdırılmış müdafiə şurasında isə elmə yalnız istedadlı və ləyaqətli gənclərin yol açmasına çalışır. O, uğurlu elmi yaradıcılıqla yanaşı yeni alimlər nəslinin yetişməsində əvəzsiz işlər görür.
İsveçrənin New 7 Wonders qeyri-kommersiya təşkilatı dunyanın yeni yeddi möcüzəsini seçmişdir. Portuqaliyada ümumdünya şəbəkəsində ikinci səsvermənin nəticəsi elan edilmişdir. Dunyanın yeni möcüzələrini 200 tarixi yer arasından seçmişlər. 200 il əvvəl tərtib edilmiş ilkin siyahıdan yalnız Misir ehramları “dünyanın mötəbər möcüzəsi” statusunu qazanmışdır. “Dünya möcüzələrinin” seçilməsi internet vasitəsilə həyata keçirilmişdir. İstənilən adam öz səsini xoşuna gələn mıcüzəyə verə bilərdi. Səsvermədə 100 milyon nəfərdən çox adam iştirak etmişdi. Nəticədə: Böyük Çin səddi, Tac-Mahal (Aqra, Hindistan), Kolizey (Roma, İtaliya), Qayalarda çapilmiş Petra şəhəri (İordaniya), İsa Məsihanın heykəli (Rio-de-Janeru, Braziliya), Maçu-Pikçu (And dağlarındakı qədim İnk şəhəri, Peru), Çiçen-İsa (qədim mayya şəhəri, Meksika) qalib gəlmişdir. Uduzanlar arasında Kreml və Qızıl meydan memarlıq ansamblı (Moskva), Eyfel qülləsi (Paris), Stoynhenc (İngiltərə), Sidney Opera Teatrı (Avstraliya), Azadliq abidəsi (ABŞ) olmuşdur.
Müdriklərimiz deyiblər ki, “Çox gəzən çox bilər”. Sovet imperiyası çağlarında hamımız
qapalı həyat sürürdük. Keçmiş SSRİ məkanından kənara çıxmaq üçün partiya bürolarından
icazə alırdıq. Sosializm idealogiyası ilə doldurulduğundan beyni kif atmış qocaman
kommunistlər tərəfindən sorğu-suala çəkilirdik. Kapitalist ölkələrinə getmək uçun isə ən
azı Sov. İKP üzvlüyünə namizəd olmalıydıq. Yoxsa burjualara satıla bilərdik. Çətinliklə başa
gələn xarici dövlətlərə səfərlər zamanı hər addımımızı ölçüb-biçib atırdıq ki, haqqımızda
təhlükəsizlik orqanlarına “qorxulu” məlumatlar çatdırılmasın. Əks halda gələcəyimiz
təhlükə altına alınardı. Dünyaya açılan qapılar üzümüzə qapanmışdı. Elə bilirdik ki, tikanlı sərhəd məftillərindən o yana şərin məskəni başlayır. Oralarda hər şey alınıb satılır. Vicdan,
namus, əqidə ancaq bizdə var. Yurdumuzda da, onun sərhədlərindən uzaqlarda da özümüz özümüzü qəfəsə salıb qapısına qıfıl vurmuşduq.
Beşik bəşər oğlunun yer üzündəki ilk mənzilidir. Onun quruluşu dünyanın ilkin təsəvvürlərdəki mifik modelinə uyğundur. Göy türk qamlarının görüşlərində
dünya yurd (çadır) şəklindədir. Kosmosdakı Ağ yol (Süd yolu, Kəhkəşan) çadrın tikişləri, ulduzlar isə işıq üçün açılan dəliklərdir. Tanrılar hərdən çadrı açırlar ki, yerə tamaşa etsinlər. «Kitabi-Dədə Qorqud» eposunun
finalında oğuz-türk elinin iki qanadı bir-birinə asi düşüb vuruşur,
nəticədə şər məğlub olur. Qələbədən sonra elin başçısının gördüyü ilk iş bundan ibarətdir
ki, «Qazan gög alan çəmənə çadır dikdirdi». Göründüyü kimi, burada qurulan çadır göylə əlaqələndirilir.
Bənövşəni təbiətin qış yuxusundan oyanıb canlanmasının və baharın emblemi hesab edirlər. Onun heç
nə ilə müqayisəyə gəlməyən xoş ətri
var, ləçəklərinin xüsusi çaları xalq
arasında yeni rəng kimi (bənövşəyi)
qəbul edilir. Bu çiçək yaşıl yarpaqlarının arasından çıxıb boylandığı, başanı saplağına doğru əydiyi üçün folklorda və yazılı ədəbiyyatda poetik obraza çevrilmişdir.
Belə söyləyirlər ki, bəşəriyyətin anası Həvva ayağına hündür dabanlı ayaqqabı keçirməklə cazibəli görünüb Adəmi yoldan çıxarmış, öz yatağına çəkmişdir. Ayaqqabılarla intim həyatın başlanğıcı qoyulmuşdur…